Diolch i'r canlynol a fu o gymorth mewn amryw ffyrdd wrth roi'r cofnodion ar y dudalen hon at ei gilydd:

Gwilym Bowen Rhys, Rachub; Meilyr Hughes, Llanelli

Mae'r dudalen hon yn y broses o gael ei hadeiladu. Ymddiheurwn felly am unrhyw gofnodion anghyflawn.

Gallwch sgrolio drwy'r dudalen i ddarllen hanes y gystadleuaeth yn gronolegol ar ei hyd, neu gallwch glicio ar flwyddyn o'r rhestr isod er mwyn mynd at y cofnod unigol.

​1909

 

1909

DAVID BOWEN
(MYFYR HEFIN) 
​TREORCI

TESTUN YR AELWYD
FFUGENW 
​
NIFER YN CYSTADLU 8
GWOBR ARIANNOL
DYDDIAD CADEIRIO 8 IONAWR 1909
BEIRNIAD JOHN DYFNALLT OWEN                           (DYFNALLT)


LLEOLIAD YN 2020
YM MEDDIANT TEULU'R BARDD

Llun: Meilyr Hughes / Casglu'r Cadeiriau

Wele wr sy'n haul i lu, - yn esgyn
     Yn Mhrif-ysgol Cymru;
     Y mae'r gwr medd Cymru gu
  Yn fwynaidd ddringo fynu.
                               
                                                      - AMANYDD​ (Ionawr 1909)

Y FEIRNIADAETH

Yn ei feirniadaeth dywedodd [Dyfnallt] bod chwech o'r wyth yn deilwng o'r gadair, ond rhagorai Myfyr Hefin ar y llall yn naturiolder ei bryddest. Canai i'r aelwyd, heb fyn'd tuallan i'r tŷ.

(Seren Cymru, 29.01.1909)

Y BARDD

Ganed David Bowen yn Nhreorci ym 1874. Roedd yn frawd hŷn i'r beirdd Ben Bowen a Thomas Orchwy Bowen (sef tad y Prifeirdd Geraint ac Euros Bowen). Bu farw Ben Bowen ym 1903, a Myfyr Hefin a fu'n bennaf cyfrifol am olygu cofiant a chasgliad o'i waith, ac o hynny datblygodd ddiddordeb mewn barddoni ei hun. Roedd yn weinidog â'r Bedyddwyr. Bu farw ym 1955.

Cofnod Myfyr Hefin yn y Bywgraffiadur Cymreig:

http://yba.llgc.org.uk/en/s2-BOWE-DAV-1874.html